واشنگٹن میں سعودی اور اسرائیلی حکام کی امریکا سے الگ الگ ملاقاتیں، ایران پر اہم مشاورت
ذرائع کا کہنا ہے کہ سعودی عرب اور دیگر خلیجی ریاستیں خطے میں بڑھتی کشیدگی کم کرنے اور ممکنہ جنگ روکنے کی خواہاں ہیں۔
واشنگٹن میں ٹرمپ انتظامیہ کی سعودی اور اسرائیلی حکام سے الگ الگ ملاقاتیں، ایران پر مشاورت جاری
ٹرمپ انتظامیہ نے رواں ہفتے واشنگٹن میں سعودی عرب اور اسرائیل کے اعلیٰ حکام سے علیحدہ علیحدہ اہم ملاقاتیں کی ہیں، جن میں خطے کی موجودہ صورتحال اور ایران سے متعلق امور پر تفصیلی تبادلۂ خیال کیا گیا۔
ذرائع کے مطابق اسرائیل کے ملٹری انٹیلی جنس چیف نے منگل اور بدھ کے روز پینٹاگون کے اعلیٰ حکام سے ملاقاتیں کیں، جن میں ایران کی سرگرمیوں اور ممکنہ سکیورٹی خدشات پر بات چیت کی گئی۔
دوسری جانب سعودی عرب کے وزیر دفاع بھی اس وقت واشنگٹن میں موجود ہیں اور وہ امریکی حکام کے ساتھ ایران سے متعلق معاملات پر مشاورت کر رہے ہیں۔
باخبر ذرائع کا کہنا ہے کہ سعودی عرب اور دیگر خلیجی ممالک خطے میں بڑھتی ہوئی کشیدگی پر گہری تشویش رکھتے ہیں اور کسی ممکنہ جنگ کو روکنے کے لیے سفارتی کوششوں کے خواہاں ہیں۔
ذرائع کے مطابق خلیجی ممالک کا مؤقف ہے کہ مشرقِ وسطیٰ میں استحکام اور امن کے لیے کشیدگی میں کمی ناگزیر ہے، اسی مقصد کے تحت امریکا سے رابطے جاری رکھے گئے ہیں۔
