وزیر اطلاعات پنجاب عظمیٰ بخاری کی لاہور پریس کلب آمد، ارشد انصاری کو 14ویں بار صدر منتخب ہونے پر مبارکباد
لاہور: وزیر اطلاعات پنجاب عظمیٰ بخاری نے لاہور پریس کلب کا دورہ کیا اور صدر ارشد انصاری کو چودھویں بار کامیابی کے موقع پر مبارکباد دی۔
اس موقع پر وزیر اطلاعات نے جرنلسٹ پینل کے تمام کامیاب عہدیداران کو بھی انتخابی کامیابی پر مبارکباد دی اور صحافی برادری کے لیے نیک تمناؤں کا اظہار کیا۔ انہوں نے کہا کہ صحافت کا پیشہ معاشرتی حقائق کی ترجمانی اور عوامی خدمت کا ذمہ دار پیشہ ہے، اور اس شعبے کی مضبوط قیادت صحافی برادری کے لیے حوصلہ افزا ہے۔
ارشد انصاری نے وزیر اطلاعات کا شکریہ ادا کیا اور کہا کہ جرنلسٹ گروپ صحافیوں کے مسائل کے حل اور فلاح و بہبود کے لیے مسلسل کام کرتا رہے گا۔ انہوں نے صحافیوں کے لیے جاری فلاحی منصوبوں، بشمول ہاؤسنگ پراجیکٹس، پر بھی آگاہی دی۔
وزیر اطلاعات پنجاب کا یہ دورہ لاہور پریس کلب کے انتخابی نتائج اور صحافی برادری کی ترقی کے لیے حکومتی حمایت کا عملی اظہار قرار دیا جا رہا ہے۔
