کیوبا میں توانائی بحران شدت اختیار کر گیا، تین ماہ سے بڑی تیل سپلائی بند

وسطی امریکی ملک Cuba میں توانائی بحران سنگین شکل اختیار کر گیا ہے، جبکہ عالمی سطح پر اس صورتحال پر محدود توجہ دی جا رہی ہے۔

امریکی میڈیا رپورٹس کے مطابق کیوبا کو گزشتہ تین ماہ کے دوران کسی بڑی تیل سپلائی کی فراہمی نہیں ہو سکی، جس کے باعث ملک میں ایندھن کی قلت بڑھ گئی ہے۔

رپورٹس میں کہا گیا ہے کہ United States کی جانب سے عائد پابندیوں اور سفارتی دباؤ نے کیوبا کے توانائی شعبے کو شدید متاثر کیا ہے، جس کے نتیجے میں ’آئل بلیک آؤٹ‘ جیسی صورتحال پیدا ہو رہی ہے۔

مزید بتایا گیا ہے کہ Venezuela میں سیاسی تبدیلیوں کے بعد کیوبا کو تیل کی سپلائی تقریباً معطل ہو چکی ہے، جو پہلے اس کی بڑی ضرورت پوری کرتا تھا۔

ادھر Russia کی جانب سے کیوبا کے لیے دو آئل ٹینکرز روانہ کیے جانے کی اطلاعات ہیں، تاہم مبینہ ’آئل بلاکیڈ‘ کے باعث ان کی ترسیل میں مشکلات پیش آ رہی ہیں۔

ماہرین کے مطابق اگر صورتحال برقرار رہی تو کیوبا میں توانائی کا بحران مزید گہرا ہو سکتا ہے، جس سے روزمرہ زندگی اور صنعتی سرگرمیاں بری طرح متاثر ہونے کا خدشہ ہے۔