مشرقِ وسطیٰ میں جاری کشیدہ صورتحال کے پیش نظر عالمی مالیاتی اداروں نے احتیاطی اقدامات شروع کر دیے ہیں تاکہ عملے اور صارفین کی سلامتی کو یقینی بنایا جا سکے۔
غیر ملکی خبر رساں ایجنسی Reuters کی رپورٹ کے مطابق امریکی بینک Citibank نے United Arab Emirates میں موجود اپنی متعدد برانچز اور مالیاتی مراکز کو 14 مارچ تک عارضی طور پر بند رکھنے کا فیصلہ کیا ہے۔
بینک کی سرکاری ویب سائٹ کے مطابق یہ برانچز 16 مارچ سے دوبارہ کھول دی جائیں گی، تاہم Mall of the Emirates میں قائم سٹی بینک کی برانچ معمول کے مطابق صارفین کے لیے کھلی رہے گی۔
اس سے قبل سٹی بینک نے Dubai International Financial Centre اور دبئی کے علاقے Oud Metha میں موجود اپنے دفاتر کے عملے کو فوری طور پر عمارتیں خالی کرنے اور آئندہ ہدایات تک گھر سے کام کرنے کی ہدایت جاری کی تھی۔
ادھر عالمی بینک HSBC نے بھی سیکیورٹی خدشات کے باعث Qatar میں اپنی تمام برانچز غیر معینہ مدت کے لیے بند کرنے کا اعلان کیا ہے۔
بینک کی جانب سے جاری بیان میں کہا گیا ہے کہ یہ فیصلہ موجودہ حالات کے پیش نظر ملازمین اور صارفین کے تحفظ کو مدنظر رکھتے ہوئے کیا گیا ہے۔
