پاکستان کرکٹ ٹیم کے سابق کپتان Wasim Akram نے بانی چیئرمین پاکستان تحریکِ انصاف عمران خان کی صحت سے متعلق خبروں پر تشویش کا اظہار کیا ہے۔
اپنے ایک بیان میں وسیم اکرم کا کہنا تھا کہ بانی پی ٹی آئی کو فوری طور پر معیاری اور مکمل طبی سہولیات فراہم کی جانی چاہئیں تاکہ ان کی صحت سے متعلق خدشات دور ہوسکیں۔ انہوں نے کہا کہ پوری قوم کی نیک تمنائیں اور دعائیں ان کے ساتھ ہیں۔
سابق کپتان نے اس امید کا اظہار بھی کیا کہ بانی پی ٹی آئی جلد از جلد صحت یاب ہوکر معمول کی زندگی کی طرف لوٹیں گے۔ انہوں نے متعلقہ حکام سے مطالبہ کیا کہ انہیں اعلیٰ معیار کی طبی نگہداشت یقینی بنائی جائے تاکہ کسی قسم کی پیچیدگی سے بچا جا سکے۔
یہ بیان ایسے وقت میں سامنے آیا ہے جب بانی پی ٹی آئی کی صحت سے متعلق مختلف حلقوں کی جانب سے تشویش کا اظہار کیا جا رہا ہے۔
