ماہرینِ جلد کا مشورہ: ہائیڈریشن اور موئسچرائزیشن صحت مند جلد کی اصل کنجی
ماہرین کا کہنا ہے کہ اگرچہ اسکن کیئر کی بنیاد کورین مصنوعات سے رکھی جا سکتی ہے، لیکن مقامی موسمی حالات اور جلد کی نوعیت کو مدنظر رکھتے ہوئے اضافی اور مخصوص علاج اپنانا ضروری ہوتا ہے۔
ماہرینِ امراضِ جلد کے مطابق صحت مند، تروتازہ اور چمکدار جلد کے لیے ہائیڈریشن اور موئسچرائزیشن کو نظر انداز نہیں کیا جا سکتا۔ ماہرین کا کہنا ہے کہ کورین اسکن کیئر ٹرینڈ نے عام لوگوں کو وہ بنیادی اصول سمجھا دیے ہیں جن پر ڈرماٹولوجسٹ برسوں سے زور دیتے آ رہے ہیں۔
ماہرین کے مطابق اگر جلد خشک، بے جان، ڈی ہائیڈریٹڈ، سرخ یا حد سے زیادہ حساس ہو اور اسکن بیریئر کمزور پڑ چکا ہو تو کورین اسکن کیئر مصنوعات مؤثر ثابت ہو سکتی ہیں۔ یہ مصنوعات جلد کو نمی فراہم کرنے اور اسکن بیریئر کو مضبوط بنانے میں مدد دیتی ہیں۔
تاہم ماہرینِ جلد نے واضح کیا ہے کہ جلد کے بعض پیچیدہ مسائل جیسے چہرے کے مخصوص حصوں کا سیاہ ہو جانا، دھوپ سے ہونے والا نقصان، میلازمہ، ایکنی، کھلے مسام اور گہرے ایکنی کے نشانات صرف کورین اسکن کیئر سے مکمل طور پر ٹھیک نہیں ہوتے۔ ایسے مسائل کے علاج کے لیے گلائیکولک ایسڈ، کوجک ایسڈ، سیلی سیلک ایسڈ یا ماہرِ جلد کی تجویز کردہ ریٹینوئڈز کی ضرورت پڑتی ہے۔
ماہرین کا کہنا ہے کہ اگرچہ اسکن کیئر کی بنیاد کورین مصنوعات سے رکھی جا سکتی ہے، لیکن مقامی موسمی حالات اور جلد کی نوعیت کو مدنظر رکھتے ہوئے اضافی اور مخصوص علاج اپنانا ضروری ہوتا ہے۔
جلد کو ہائیڈریٹ اور موئسچرائز رکھنے کے آسان طریقے
ماہرین کے مطابق جلد میں نمی برقرار رکھنے کے لیے چند سادہ مگر مؤثر عادات اپنائی جا سکتی ہیں:
-
اسکن کیئر مصنوعات کو ہلکی سے بھاری ترتیب میں استعمال کریں، جیسے کلینزر کے بعد ٹونر، پھر سیرم اور آخر میں موئسچرائزر۔
-
سیرم میں ہائیلورونک ایسڈ اور گلیسرین جیسے اجزا شامل ہوں کیونکہ یہ جلد کو گہرائی سے نمی فراہم کرتے ہیں۔
-
پوروں کی مدد سے ہلکے ہاتھ سے ڈبل کلینزنگ کریں تاکہ جلد کی قدرتی نمی محفوظ رہے۔
-
الکحل سے پاک ہائیڈریٹنگ ٹونر یا سیرم استعمال کریں اور موسم کے مطابق موئسچرائزر لگائیں۔
-
روزانہ کم از کم SPF 50 سن اسکرین کا استعمال کریں تاکہ جلد کو دھوپ سے محفوظ رکھا جا سکے۔
-
زیادہ پانی پئیں، پروٹین، پھلوں اور سبزیوں پر مشتمل متوازن غذا اختیار کریں اور ہفتے میں ایک بار نائٹ ماسک استعمال کریں تاکہ جلد کی مرمت اور نمی بحال ہو سکے۔
ماہرین کا کہنا ہے کہ درست اسکن کیئر روٹین اپنا کر نہ صرف جلدی مسائل میں کمی لائی جا سکتی ہے بلکہ جلد کو صحت مند، ہموار اور قدرتی چمک بھی دی جا سکتی ہے۔
